El turǵyndary problemaly qaryzynyń esepten shyǵarylatyny týraly push-habarlama alady

ASTANA. KAZINFORM — Qarjy naryǵyn retteý jáne damytý agenttiginiń tóraǵasy Mádına Ábilqasymova qazaqstandyqtardyń problemalyq nesıelerin proaktıvti túrde esepten shyǵarý tetigi týraly aıtty. 

Onyń aıtýynsha, búginde barlyq azamat zańdaǵy bar normalar jáne ózderiniń problemalyq qaryzdaryn esepten shyǵarý múmkindigi týraly bile bermeıdi.

— Biz proaktıvti mehanızm engizýdi josparlap otyrmyz. Mysaly, azamattyń uzaq merzimdi qaryzy bar jáne onyń nesıeni óteýge múmkindigi joq bolsa, oǵan push-habarlama keledi. Onda ol osy tetik arqyly óz qaryzyn esepten shyǵara alatyny kórsetiledi. Osyndaı proaktıvti formatty engizgimiz keledi, — dedi agenttik basshysy Májilistegi brıfıngte.

Qazirgi ýaqytta mundaı push-habarlamalar formaty agenttik pen Qarjy mınıstrligi birlesip ázirlep jatyr. 

Eske salsaq agenttik tóraǵasy Qazaqstanda alaıaqtar rásimdegen nesıeler sot sheshiminsiz esepten shyǵarylatny týraly aıtqan edi.