El Táýelsizdigi kúnine arnalǵan dóńgelek ústel májilisi ótti
ALMATY. Jeltoqsannyń 5-i. QazAqparat /Erbol Azanbek/ - Almatydaǵy Medeý aýdanynyń ákimshiliginde Táýelsizdiktiń 18 jyldyǵyna arnalǵan «Táýelsizdik - Qazaqstan Respýblıkasynyń gúldený negizi» atty dóńgelek ústel májilisi ótti,
dep habarlaıdy QazAqparat.
Otyrys barysynda Sh.Ýálıhanov atyndaǵy Tarıh jáne etnologııa ınstıtýtynyń dırektory Sattar Májıtov baıandama jasap, táýelsiz Qazaqstannyń jetistikteri tarıhyna sholý jasady.Otyrysqa belgili ǵalym, akademık Sultan Sartaev qatysyp, táýelsizdikke jetý jolyndaǵy kúres, tarıhı sátter, tulǵalar eńbegi jaıly baıandady. Ol sonymen qatar QazKSR Joǵarǵy Keńesiniń otyrysynda «QR Táýelsizdigi týraly» Konstıtýttsııalyq zańnyń qabyldanǵany, sonyń izinshe Túrkııanyń táýelsizdigimizdi tanyǵany jaıly estelik aıtty. Otyrys barysynda Qazaqstannyń táýelsiz el retindegi damý joldary, demokratııalyq, zaıyrly el retinde qalyptasýy jaıly málimetter aıtyldy. Otyrysqa qoǵam qaıratkerleri, belgili ǵalymdar men stýdentter qatysyp, táýelsizdik týraly oılaryn ortaǵa saldy.
