El táýelsizdigi kúni elorda perzenthanasynda 15 bala dúnıege keldi
ASTANA. 19 jeltoqsan. QazAqparat - QR Táýelsizdiginiń 20 jyldyq mereıtoıy kúni elordanyń №1 perzenthanasynda 15 sábı dúnıe esigin ashty, dep habarlady Astana qalalyq ákimdiginiń baspasóz qyzmetinen.
Akýsherlerdiń atap ótýinshe, olardyń kúndelikti tájirıbesinde bir kúnniń ishinde san ulttyń ókilderi dúnıege kelgen emes. Óıtkeni mereke kúni qazaq, orys, armıan, bashqurt, evreı, ıngýsh, ýkraın, tipti frantsýz ultynyń urpaǵy ómirge keldi.
«Analary da, balalary da, atap aıtqanda 7 ul men 8 qyz ózderin óte jaqsy sezinedi», - dep atap ótti №1 perzenthana bas dárigeriniń orynbasary Aıgúl Dúısembaeva.
Sábıderdiń dúnıege kelgen alǵashqy sátteri sýretke túsirilip, analaryna syılyq retinde berildi. Sonymen qatar ákimdik tarapynan qolarbalar tabys etildi.
