El tarıhyndaǵy eń iri áskerı paradqa otandyq tehnıkalar qatysady

ASTANA. QazAqparat - Qazaqstan Qarýly Kúshteriniń 25 jyldyǵyna oraı, 2017 jyldyń 7 mamyrynda el tarıhyndaǵy eń aýqymdy áskerı parad ótedi. Bul týraly búgin Ortalyq kommýnıkatsııalar qyzmetinde Qazaqstan Respýblıkasy Qarýly Kúshteriniń 25 jyldyǵyna arnalǵan baspasóz máslıhatynda QR Qorǵanys mınıstriniń orynbasary, general-maıor Talǵat Janjúmenov málim etti.

«Bul áskerı parad jeke quram jáne tehnıkalar sany boıynsha el tarıhyndaǵy eń iri sherý bolmaq. Onyń ereksheligi  aýmaqtyq qorǵanys brıgadasy rotasynyń, barlaý rotasynyń jáne elimizdegi tórt «Jas ulan» mektebiniń qurama barabanshylar rotasynyń jáne QR Qorǵanys mınıstrligi áskerı-tehnıkalyq mektebiniń tartylýy», - dep atap ótti Talǵat Jeńisuly.

Aıtýly kúni Astananyń Táýelsizdik alańyna bes myńnan astam áskerı qyzmetshi saltanatty marshpen júrip ótedi. QR Qorǵanys mınıstri orynbasarynyń habarlaýynsha, olar qatań irikteýden ótken jáne10 aqpan kúni turaqty ornalasý pýnktterinde jattyqtyrý jumystary bastalǵan.

Paradta 300-ge jýyq áskerı tehnıka jurtshylyq nazaryna usynylady. Alańda alǵash ret basqarylatyn ushý apparattary («Wing Long», «Hermes-90» jáne «Býsel»), gıdrotsıkl, kater, kvadrotsıkl, baggı jáne «Djıgıt» zeńbirek qondyrǵylary qoıylady. Áýe  qorǵanysynyń 80 dana avıatsııalyq tehnıkasy, «Hıýı» tikushaǵy jáne TL-2000, Zlin oqý-jattyqtyrý ushaqtary Qazaqstandyq avıatsııanyń kók aspandaǵy qýaty men jaýyngerlik ázirligin pash etedi. Bul sherýde qazaqstandyqtar 2016-2017 jyldary áskerı arsenalymyzdy tolyqtyrǵan sý jańa tehnıkalardy tamashalaı alady. Áskerı parad qolbasshysy retinde QR Qarýly Kúshteri Qurlyq áskeriniń bas qolbasshysy, general maıor Murat Bektanov taǵaıyndalǵan. Paradty Elbasy, Qarýly Kúshterdiń Joǵarǵy Bas Qolbasshysy qabyldaıdy.

Baspasóz máslıhatynda T.Janjúmenov paradqa shyǵarylatyn áskerı tehnıkalardyń jartysyna jýyǵy otandyq ónim ekenin málimdedi. «Máselen, «Arlan» brondy tehnıkasy «Qazaqstan ınjınırıng» AQ zaýytynda shyǵarylǵan. Qazgrad reaktıvti tehnıkasy Petropavl qalasynda aýyr mashına jasaý zaýytynda jasalǵan. Negizgi kólik bolyp sanalatyn kamazdardyń barlyǵyn kókshetaýlyq «Kamaz Injınırıng» AQ jasap shyǵarǵan. «Djıgıt» zeńbirek qondyrǵylary da ózimizdiń ónim. ıAǵnı, áskerı paradqa shyǵarylatyn tehnıkalardyń teń jartysy otandyq qorǵanys ónerkásipterinde shyǵarylǵan», - dedi general-maıor.

Sonymen birge, Qorǵanys mınıstriniń orynbasary el aýmaǵynda Qarýly Kúshteriniń 25 jyldyǵyna arnalǵan sharalardyń jyl boıy jalǵasatynyn habarlady. Onyń aıtýynsha, 25 jyldyqqa oraı, bıyl jańa áskerı zamanaýı tehnıkalar alynyp, áskerı qyzmetshilerge baspana kilti tabystalady, jas órenderdi patrıottyq tárbıeleýge baǵyttalǵan túrli sporttyq-mádenı sharalar uıymdastyrylady.