El tarıhynda alǵash ret ǵaryshqa jer serigi ushyryldy
ASTANA. 21 jeltoqsan. QazAqparat - Bolıvııada ǵaryshqa el tarıhynda alǵashqy ret telekommýnıkatsııalyq jer serigi ushyryldy, dep habarlaıdy Bı-bı-sı. Jer serigi Ispanııanyń otarlyq basqarýyna qarsy kúresken úndi ultynan shyqqan ult batyrynyń qurmetine «Týpak Katarı» dep ataldy.
Jer serigi Sıchandaǵy (QHR) arnaıy ortalyqta ushyryldy. Ǵarysh apparatynyń quny 302 mln dollardy qurady.
El prezıdenti Evo Moralestyń sózine qaraǵanda, jer serigin ushyrý Bolıvııanyń táýelsizdigin arttyra túsedi.
Bolıvııa astanasy La-Pastanyń ortalyq alańyna jer seriginiń ushyrylýyn merekeleýge halyq kóp jınaldy. Jer serigin 2014 jyldyń naýryz aıynan bastap paıdalanýǵa bolady.
