El pedagogtarynyń biliktiligin arttyrý kýrstary bastaldy
ASTANA. 3 sáýir. QazAqparat - «Nazarbaev Zııatkerlik mektepteri» derbes bilim berý uıymynyń pedagogıkalyq sheberlik ortalyǵynda Kembrıdj Ýnıversıtetiniń bilim berý fakýltetimen birlese otyryp ázirlengen arnaıy baǵdarlama boıynsha 286 jattyqtyrýshy daıarlyqtan ótti,
dep habarlady rm.kz saıty.
«Nazarbaev Zııatkerlik mektepteri» derbes bilim berý uıymynyń, Aqtóbe, Pavlodar, Taraz, Shymkent qalalaryndaǵy pedagogıkalyq ınstıtýttar janyndaǵy aımaqtyq ortalyqtardyń, «Órleý» Ulttyq biliktilik arttyrý ortalyǵy» AQ-nyń, biliktilik arttyratyn aımaqtyq ınstıtýttar men kolledjderdiń qyzmetkerleri jattyqtyrýshylar atandy.
Osy jattyqtyrýshylar Qazaqstan Respýblıkasyndaǵy jalpy bilim beretin mektepterdiń 3000 muǵalimin 3 bazalyq deńgeımen arnaıy 3 aılyq baǵdarlama boıynsha oqytýdy bastaıdy.
«Sabaqtar shaǵyn toptarda (30 adam) «facetoface» («tikeleı») úlgisi jáne qashyqtyqtan oqytý úlgisi (onlaın-rejıminde) boıynsha ótedi», - delingen habarlamada.
