El ózenderine batyp ketken eki jasóspirimniń deneleri izdestirilýde - TJM
ASTANA. 15 maýsym. QazAqparat - Qazaqstan ózenderine batyp ketken eki jasóspirimniń deneleri izdestirilýde, dep habarlady TJM-niń baspasóz qyzmetinen.
Beısenbi, 14 maýsym kúni Batys Qazaqstan oblysyna qarasty Jaıyq kentiniń mańyndaǵy qumdy karer aýmaǵynda shomylýǵa arnalmaǵan jerde sýǵa túsý barysynda 34 jastaǵy er adam batyp ketti.
Onyń denesi sýdan QR TJM Batys Qazaqstan oblysy boıynsha TJD sýdan-qutqarý qyzmetiniń: jeke quramdaǵy 4 adamy men 1 tehnıkasynyń kúshimen shyǵaryldy.
14 maýsymda Qyzylordadaǵy «Sabalaq» saıajaıy aýmaǵynda 15 jasar qyz abaısyzda Shirkeıli sý arnasyna qulap ketip, kóz jumdy. Onyń denesi QR TJM Qyzylorda oblystyq TJD sýdan-qutqarý qyzmetiniń: jeke quramdaǵy 4 adamy men 1 tehnıkasynyń kómegimen izdestirilýde.
13 maýsym kúni Atyraýdyń Jaıyq ózenine shomylý kezinde 18 jastaǵy bozbala sýǵa batyp ketti. Onyń denesin izdeýmen QR TJM Atyraý oblysy boıynsha TJD sýdan-qutqarý qyzmetiniń 3 adamy men 1 tehnıkasy aınalysýda.
