El ózenderinde tórt adam sýǵa ketti, onyń ekeýi balalar - QR TJM
ASTANA. 14 maýsym. QazAqparat - Elimizdiń ózenderinde shomylý kezinde eki bala men er adam sýǵa ketti, dep habarlady QR TJM-nan.
13 maýsym kúni Talǵar qalasynyń Talgarka ózenine shomylý kezinde 10 jasar bala sýǵa ketti. Onyń denesin jer betine jergilikti turǵyndar alyp shyqty.
Sondaı-aq osy kúni Lısakovsk qalasynda Tobyl ózenine 12 jastaǵy bala batyp ketti. Onyń denesin sýdan QR TJM Qostanaı oblystyq TJD sýda qutqarý qyzmetiniń (3 mamany men bir tehnıkasy) kómegimen shyǵaryldy.
Beısenbide Soltústik Qazaqstan oblysy Talshyq aýylynyń mańyndaǵy Shat ózeninde shomylǵan 37 jastaǵy er adam sýǵa tunshyǵyp óldi. Onyń denesin jaǵaǵa tártip saqshylary shyǵardy.
Qostanaı oblysy Uzynaǵash aýylynyń mańyndaǵy Tobyl ózeninde bir táýlik buryn sýǵa batyp ketken er adamnyń (1957 jyly týǵan) máıiti tabyldy. Ony sýdan shyǵarýǵa QR TJM Qostanaı oblystyq TJD sýda qutqarý qyzmetiniń 3 mamany men bir tehnıkasy tartyldy.
