El ormandarynda qylqan japyraqty aǵashtardy kesýge 10 jylǵa tyıym salynady
ASTANA. QazAqparat – Aldaǵy 10 jylda memlekettik orman qoryndaǵy qylqan japyraqty aǵashtardy kesýge tyıym salynýy múmkin, dep habarlaıdy QazAqparat tilshisi.
«2033 jylǵy 31 jeltoqsanǵa deıin mynalarǵa:
- Qazaqstan Respýblıkasynyń memlekettik orman qory ýchaskelerindegi qylqan japyraqtylar ekpelerinde basty maqsatta paıdalaný úshin kesýge jáne kútim jasap kesýge;
- iriktemeli sanıtarııalyq kesýden jáne aǵash otyn súregin (0,5-ten 2 m-ge deıin) jáne tirekterdi qospaǵanda, qylqan japyraqty iskerlik súrekti dóńgelek túrde ótkizýge tyıym salynsyn», - delingen Ashyq NQA portalynda jarııalanǵan Ekologııa jáne tabıǵı resýrstar mınıstriniń buıryq jobasynda.
Qujat 8 qyrkúıekke deıin kópshilik talqylaýda bolady.
Eske salaıyq, 10 maýsymnan bastap elimizden aǵashtyń jekelengen túrlerin eksporttaýǵa tyıym salynǵan bolatyn.
