El óńirlerinde jylý jáne sýmen qamtamasyz etý tarıfteri ózgere me
ASTANA.KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın Astanada jylýmen jáne sýmen qamtamasyz etý salasyndaǵy tarıfterdiń ósýine qatysty túsinik berdi.
Onyń aıtýynsha, elordada jylýmen qamtamasyz etý tarıfteri orta eseppen shamamen 15 paıyzǵa, al sýmen jabdyqtaý jáne sý burý qyzmetteri 20-25 paıyzǵa ósken.
— Bizde tarıfterdi kóterýdiń naqty júıesi bar. Moratorıı jarııalanǵan úsh aıdy paıdalanyp, esep-qısap júrgizip, ósimdi kezeń-kezeńimen bóldik, - dedi Jumanǵarın.
Ol Astanada tolyq tarıf engizilgenin atap ótti. Osyndaı tásil Aqmola oblysy men Ulytaý oblysynda qoldanylady. Aldaǵy ýaqytta elimizdiń basqa óńirlerinde de tarıfterdi birtindep kóterý josparlanǵan..
Budan buryn habarlanǵandaı, Premer-mınıstrdiń orynbasary – Ulttyq ekonomıka mınıstri Serik Jumanǵarın Qazaqstanda eń tómengi jalaqyny 150 myń teńgege deıin jetkizý máselesine túsinik berdi.
