El óńirlerinde qurma baǵasy qanshadan
QARAǴANDY. KAZINFORM – Qazaqstan qalalaryndaǵy bazarlar men saýda oryndarynda qurmanyń baǵasy surpyna qaraı qubylyp tur. Ásirese «korolek» pen «romashka» suryptarynyń quny arasynda birqatar óńirde edáýir aıyrmashylyq bar.
Baǵa monıtorınginiń qorytyndysyna sáıkes, Qazaqstannyń 20 qalasynda «korolek» surypty qurmanyń bir kelisi 780 teńgeden 2 650 teńgege deıin saýdalanady. Eń tómengi baǵa Kókshetaýda tirkelse, eń joǵary baǵa Almatyda anyqtalǵan.
Atap aıtqanda, Almatyda «korolek» surypty qurmanyń bir kelisi 2 650 teńgeden satylyp jatyr. Qonaev qalasynda – 2 000 teńge, Astana men Shymkentte – 1 600 teńge. Óskemende bul suryptyń bir kelisi 1 400 teńge bolsa, Semeıde – 1 380 teńge. Oralda 1 245 teńgeden, Jezqazǵanda 1 200 teńgeden saýdalanady.
Al ózge qalalardyń basym bóliginde onyń baǵasy 1 100 teńgeden tómen. Atyraý men Petropavlda bir kelisi 1 050 teńgeden usynylsa, Aqtóbede – 1 000 teńge, Qostanaıda – 980 teńge. Qaraǵandy, Pavlodar jáne Qyzylordada 900 teńgeden, Túrkistanda 800 teńgeden satylyp jatyr. Eń arzan baǵa Kókshetaýda tirkelgen – 780 teńge.
«Romashka» surypty qurmanyń baǵasy budan tómen. Bul suryptyń bir kelisi Kókshetaýda 580 teńgeden satylsa, eń qymbat baǵa Atyraý men Semeıde tirkelgen – 1 300 teńgeden.
Qaraǵandyda «romashka» surypty qurmanyń bir kelisi 600 teńge turady. Túrkistanda – 650 teńge, Qyzylordada – 750 teńge. Tarazda 780 teńgeden, Aqtóbe men Jezqazǵanda 800 teńgeden, Shymkentte 850 teńgeden saýdalanady.
Al Astana, Almaty, Aqtaý jáne Qonaev qalalarynda bul suryptyń bir kelisi 1 200 teńgeden satylyp jatyr. Qostanaıda onyń baǵasy 1 205 teńge bolsa, Pavlodarda – 1 100 teńge, Oralda – 1 080 teńge. Petropavlda 990 teńgeden, Taldyqorǵanda 965 teńgeden usynylǵan.
Jalpy, baǵa kórsetkishterine qaraǵanda, «romashka» surypty qurma kópshilik qalada «korolekke» qaraǵanda arzanyraq. Eki suryptyń da eń tómengi baǵasy Kókshetaýda tirkelgen. Al satyp alýshylar úshin eń qymbat usynystardyń biri Almatyda baıqalady.
Buǵan deıin Kazinform tilshisi Qazaqstan qalalaryndaǵy jylytqyshtyń baǵasy qansha turatynyn anyqtaǵan bolatyn.