El óńirlerinde kólik jýý qyzmetiniń quny qansha
ASTANA. KAZINFORM – Qazaqstan qalalarynda avtojýý qyzmetiniń baǵasy óńirge, kóliktiń túrine jáne qyzmet kórsetý deńgeıine qaraı ártúrli. Jalpy, jeńil kólikti jýý quny shamamen 2 700-6 500 teńge aralyǵynda qubylady, al krossoverler úshin 3 500-9 000 teńge aralyǵynda tóleısiz.
Іri qalalarda baǵa ortasha deńgeıde: Almaty men Astanada jeńil kólikti jýý – 3 000-6 500 teńge, krossoverlerdi jýý – 4 000-7 500 teńge aralyǵynda. Mundaı qalalarda kóbine keshendi qyzmet usynylady: syrtyn jýý, salondy tazalaý jáne keıde qorǵaýshy qaptama (wax/coating).
Shaǵyn qalalarda nemese keı óńirlerde baǵa sál tómen. Mysaly, Pavlodar men Jezqazǵanda jeńil kólikti jýý 2 000-2 700 teńgeden bastalady, al Qaraǵandyda keı jerlerde krossoverdi jýý quny 9 000 teńgege deıin jetedi. Bul aıyrmashylyq kóbine qyzmet sapasyna, qoldanylatyn quraldarǵa jáne avtojýýdyń ornalasqan jerine baılanysty.
Qazaqstandaǵy avtojýý naryǵynda qyzyqty tendentsııalar baıqalyp otyr. Keıingi jyldary ózin-ózi qyzmet kórsetetin avtojýýlar (self-service) kóbeıip keledi. Olarda júrgizýshi kóligin ózi jýyp, qyzmet qunyn únemdeı alady. Sonymen qatar keıbir avtojýýlar úsh fazaly jýý tehnologııasyn qoldanady: kólik aldymen kóbikpen óńdeledi, keıin shampýnmen jýylady jáne qorǵanysh qabatymen jabylady. Mundaı qyzmettiń baǵasy qarapaıym jýýdan qymbatyraq, biraq kóliktiń syrtqy tazalyǵyn uzaq ýaqyt saqtaýǵa múmkindik beredi.
Avtojýý ákimshisiniń aıtýynsha, ásirese kóktemde, naýryz-sáýir aılarynda kólik sany kóbeıedi, keıde kezek 2-3 saǵatqa deıin sozylady. Qysta avtojýýǵa kelýshiler az bolady, sondyqtan kezek qysqarady.
ıAǵnı, avtojýý qyzmetiniń suranysy jyl mezgiline baılanysty ózgerip otyrady. Sonymen qatar baǵaǵa kóliktiń kólemi, qyzmet kórsetý deńgeıi, qoldanylatyn hımııalyq quraldar jáne qalanyń ınfraqurylymy da áser etedi.
Eske salsaq, osyǵan deıin Qazaqstanda ózińizben birge alyp júretin kofe baǵasy qansha ekeni jaıly jazǵanbyz.