El óńirlerinde aýyldyq ÚEU-lardy qoldaý kúsheıtildi

ASTANA. KAZINFORM — Qazaqstannyń Azamattyq alıansy aýyldyq úkimettik emes uıymdardyń áleýetin arttyrýǵa jáne olardyń turaqty damýyna jaǵdaı jasaýǵa baǵyttalǵan «Aýyldaǵy azamattyq bastamalardy damytý» jobasyn júzege asyrdy.

Joba QR Mádenıet jáne aqparat mınıstrligi men «Azamattyq bastamalardy qoldaý ortalyǵy» KEAQ qoldaýymen iske asyryldy. Atalǵan jumys elimizdiń barlyq óńirlerinde júrgizilip, 15 000-nan astam azamatty qamtydy. Baǵdarlamanyń negizgi arqaýy — oqytý jáne konsýltatsııalyq qoldaý.

— Jumys barysynda 194 uıym oqýdan ótip, 316 jeke konsýltatsııa ótkizildi. Al, «Aýyl 2.0» bastamasy 50 uıymnyń jobalaryn damytýǵa serpin berdi. Alty oblysta jergilikti jobalardy iske asyrý úshin 18 shaǵyn grant berildi. Ekologııalyq bastamalarǵa erekshe kóńil bólindi. «Podarı Zemle sad» jeke qory Aqsý aýdany aýmaǵynda aýqymdy kógaldandyrý jumystaryn júzege asyryp, 154 adamnyń qatysýymen 1 000 qaraǵaı kósheti otyrǵyzdy, — delingen mınıstrlik habarlamasynda.

Joba aýyldyq ÚEU-lardy júıeli qoldaýdyń jergilikti qaýymdastyqtardy nyǵaıtýǵa jáne azamattyq belsendilikti arttyrýǵa eleýli úles qosatynyn kórsetti. 

Osyǵan deıin sý resýrstary salasynda ÚEU-men yntymaqtastyqty damytýǵa arnalǵan jańa keńes qurylǵany anyqtaldy.