El óńirlerinde órtten bir adam qaza boldy, úsh adam zardap shekti
ASTANA. QazAqparat - Ótken táýlikterde el óńirlerinde órtten bir adam qaza bolyp, úsheýi zardap shekti, dep habarlady QR TJM baspasóz qyzmeti.
Aqmola oblysynyń Tselınograd aýdany Qoıandy aýylynda jeke sektordaǵy úıden órt shyqty. Tilsiz jaýdy aýyzdyqtaýǵa QR TJM Aqmola oblysy TJD órt sóndirý qyzmetiniń 1 tehnıkasy men jeke quramnyń 3 adamy jumyldyryldy. 30 sharshy metr aýmaq otqa orandy. Osy oqıǵanyń saldarynan ıis tıip ýlanǵan 42 jastaǵy áıel men 8 jasar bala aýrýhanaǵa jatqyzyldy.
Qostanaı oblysynyń Qostanaı qalasynda ekinshi qabattaǵy páterden órt shyqty. Ony aýyzdyqtaýǵa QR TJM Qostanaı oblysynyń TJD órt sóndirý qyzmetiniń 3 tehnıkasy men jeke quramnyń 11 adamy jumyldyryldy. Jalyn sharpyǵan aýmaq 9 sharshy metrdi qurady. Oqıǵa ornynan 34 jastaǵy er adam aýrýhanaǵa jetkizildi, ol sol jerde jan tapsyrdy.
Soltústik Qazaqstan oblysynyń Aıyrtaý aýdany Aryqbalyq aýylynda jekemenshik úıde órt tutandy. Ony sóndirýge QR TJM Soltústik Qazaqstan oblysynyń TJD órt sóndirý qyzmetiniń 2 tehnıkasy men jeke quramnyń 4 adamy jumyldyryldy. 192 sharshy metr aýmaq otqa orandy. Osy oqıǵanyń saldarynan kúıik shalǵan 59 jastaǵy er adam aýrýhanaǵa jatqyzyldy.
