El óńirlerinde órtten 6 adam kóz jumdy - QR TJM
ASTANA. QazAqparat - Respýblıka aýmaǵy boıynsha ártúrli sebeptermen tutanǵan órt saldarynan 6 azamat qaza boldy.
Aıtalyq, Almaty qalasynda 1 qabatty úıdiń bir páteri órtenip, 64 jasar áıel oqıǵa ornynda qaza tapty.
Shyǵys Qazaqstan oblysy Zyrıan qalasynda da úıden órt shyǵyp, 78 jasar keıýana kóz jumdy.
Qostanaı qalasynda «Lazarevıch» jeke kásipkerligi aýmaǵyndaǵy qurylys vagonynda ot shyǵyp, 1969 jylǵy kúzetshiniń ómirin qıdy.
Sondaı-aq, Qostanaı qalasynda taǵy bir úı otqa oranyp, shatyry qulady. Órtti aýyzdyqtaýǵa 6 qutqarýshy men 2 tehnıka jumyldyryldy. Oqıǵa ornynda adam múrdesi tabyldy. Marqumnyń kim ekeni anyqtalýda. Jaraqattanǵan 1964 jylǵy azamat aýrýhanaǵa jetkizildi.
Jambyl oblysy Jambyl aýdanynda jeke turǵyn úıde peshten aqaý shyǵyp, órt shyqty. Gaz ıisinen ýlanǵan 1954 jyly týǵan azamatsha men 1952 jyly dúnıege kelgen er adam qaza tapty.
