El óńirlerinde kóktaıǵaq, burqasyn men ekpindi jel saqtalady
ASTANA. QazAqparat - 16 qańtar kúni Qazaqstannyń basym óńirinde jaýyn-shashynmen ótetin qubylmaly kún raıy kútiledi. Respýblıkanyń keı jerlerinde tuman, kóktaıǵaq, burqasyn jáne ekpindi jel saqtalady. Bul týraly «Qazgıdromet» RMK-dan málim etti, dep habarlaıdy QazAqparat.
Atap aıtqanda, Almaty, Jambyl oblystarynyń keı jerlerinde tuman, kóktaıǵaq kútiledi, jeldiń jyldamdyǵy 15-20 m/s, túnde 23-28 m/s kúsheıedi. Shyǵys Qazaqstan oblysynyń jekelegen aýmaqtarynda burqasyn, kóktaıǵaq boljanady, jeldiń kúshi 15-20 m/s, keı ýaqyttary 25 m/s artady.
Túrkistan, Qyzylorda oblystarynyń keı jerlerinde tuman, kóktaıǵaq kútiledi, jeldiń ekpini 15-20 m/s jetedi.
Batys Qazaqstan oblysynda túnde tuman, kóktaıǵaq kútiledi, kúndiz jel 15-20 m/s kúsheıedi.
Atyraý oblysynyń keı jerlerinde tuman, kóktaıǵaq, 15-23 m/s jyldamdyqtaǵy jel boljanady.
Aqmola, Soltústik Qazaqstan, Qostanaı, Pavlodar oblystarynyń keı jerlerinde, sondaı-aq tuman kútiledi.
Aqtóbe, Qaraǵandy oblystaryn tuman basyp, jeldiń kúshi 15-20 m/s artady.
