El óńirlerinde aǵash otyny qansha turady

ASTANA. QazAqparat - Bıylǵy qazan aıynda aǵash otynynyń bir tekshe metriniń ortasha baǵasy 8 858 teńgeni qurady. Bul týraly Ulttyq statıstıka bıýrosynan málim etti, dep habarlaıdy QazAqparat.

«Ótken jyldyń qazan aıymen salystyrǵanda otyn 11,7% qymbattady. Óńirlerde baǵa 6 – 16 myń teńge aralyǵynda qubylyp tur», - delingen málimette.

Aǵash otyny eń qymbat óńirler: Astana (1 tekme metri úshin 15 492 tg), Kókshetaý (11 067 tg) jáne Óskemen (10 532 tg) qalalary.

Otyndy 8-9 myń teńge sheginde Shymkent (1 tekshe metri 8 000 tg), Taraz (9 099 tg), Qaraǵandy (8 880 tg), Jezqazǵan (8 485 tg) jáne Petropavl (8 658 tg) qalalarynda satyp alýǵa bolady.

Eń tómengi baǵa Oral qalasynda tirkelgen – 6 000 tg/m3.