El óńirlerinde 20 iri zamanýı medıtsınalyq ortalyq salynady

NUR-SULTAN. QazAqparat – El óńirlerinde 20 iri zamanýı medıtsınalyq ortalyq salynady. Bul týraly QR Densaýlyq saqtaý birinshi vıtse-mınıstri Marat Shoranov málim etti, dep habarlaıdy QazAqparat tilshisi.

«2025 jylǵa qaraı óńirlerde 20 iri zamanýı medıtsınalyq ortalyq memlekettik-jekeshelik seriktestik esebinen salynady. Osy k ópbeıindi aýrýhanalar halyqaralyq sapa talaptaryna sáıkes halyqqa joǵary tehnologııalyq medıtsınalyq kómektiń tolyq spektrin qamtıdy», - dedi M. Shoranov Joldaýdy júzege asyrý taqyrybyna arnalǵan brıfıngide.

Osy oraıda ol 1,5 trln teńge shamasynda ınvestıtsııa tartylatynyn jetkizdi.

«Halyq densaýlyǵy kodeksine sáıkes Ulttyq operatordy qurý týraly Úkimet qaýlysynyń jobasyn qaraýǵa engizemiz», - dedi birinshi vıtse-mınıstr.

Budan buryn habarlanǵandaı, Qazaqstanda modýldi 12 ınfektsııalyq aýrýhana salynyp jatyr.