El ómiri úshin mańyzdy sheshim - Sáýlet Sahıev
«Qazaqstan Respýblıkasy Prezıdenti Qasym-Jomart Toqaev keshe Qazaqstan halqyna úndeý jasady. Onda Memleket basshysy prezıdent saılaýy ótetin merzimdi atady.
«Memleket basshysynyń Qazaqstan halqyna joldaǵan úndeýin zor yqylaspen tyńdadyq. Onda el Prezıdenti «Eldegi qoǵamdyq-saıası kelisimdi qamtamasyz etip, alǵa basý úshin, áleýmettik-ekonomıkalyq maqsat-mindetterdi laıyqty júzege asyrý úshin bizge aıqyndyq qajet. Onyń ústine, álemdegi ahýal bulyńǵyr bolyp tur. Bul Otanymyzdyń qaýipsizdigine syn-qater ákelýi múmkin. Іshki jáne syrtqy saıasattaǵy sabaqtastyq pen turaqtylyqty saqtap, Elbasy usynǵan áleýmettik baǵdarlamalardy oıdaǵydaı sátti ári tıimdi iske asyrýymyz kerek», - dep atap kórsetti. Memleket basshysy osyndaı aýqymdy isterdi júzege asyrý baǵytynda el ómiri úshin mańyzdy sheshim qabyldaǵanyn aıtty. 9 maýsymda ótetin kezekten tys prezıdent saılaýy sol aýqymdy isterdiń jalǵasyn tabýyna zor septigin tıgizedi. Prezıdent óz sózinde mundaı sheshim tek halyqtyń tikeleı erkimen saılaýda qabyldanýy qajettigine toqtaldy. Qazaqstan - demokratııalyq memleket. Demek, prezıdent halyqtyń tańdaýymen saılanýy qajet», - dedi Sáýlet Sahıev.
Onyń aıtýynsha, elimiz táýelsizdik alǵan jyldan bastap bereke men birliktiń, tatýlyq pen turaqtylyqtyń arqasynda kóptegen jetistikke qol sozdy.
«Ómir aǵysy bir orynda turmaıdy. Táýelsiz elimizdiń aldynda úlken mindetter tur. Olardyń qatarynda halyqtyń ál-aýqatyn arttyrý, ekonomıkalyq ahýaldy jaqsartý sekildi kóptegen maqsattar men murattar bar. Sondyqtan, osyndaı aýqymy úlken mindetterdi oıdaǵydaı atqarýǵa, prezıdent saılaýy arqyly naqty jumys josparyn aıqyndaýǵa jol ashylady», - dedi Sáýlet Sahıev.
Foto: ult.kz
