El naryǵynda ótken jyly jeńil avtomobıl satý 85 paıyzǵa artty
ALMATY. 24 qańtar. QazAqparat /Erlik Erjanuly/ - 2011 jyly 40266 jeńil avtomobıl satyldy. Bul jaıly keshe Almatyda «Astana Motors» Qazaq motor kompanııasynyń 2011 jylǵy qyzmetiniń qorytyndysyna arnalǵan baspasóz májilisinde aıtyldy.
«2011 jyly Qazaqstanda 40 266 jeńil avtomobıl satyldy. 2010 jyly ol 21 810-dy quraǵan bolatyn. Byltyr ósim 85 paıyz. Onyń ishinde «Astana Motors» kompanııasynyń úlesi 2010 jyly 2 273 dana bolsa, 2011 jyly 6069-dy qurap, ósim 167 paıyzdy qurady. Al kompanııanyń satylymdarynyń ósýi naryqtyq qarqynnan 2 ese asty. Sondaı-aq basqa avtomobıl kompanııalarynyń jeńil avtomobılderdi satý kólemindegi «Astana Motors» kompanııasynyń úlesi byltyr 10 paıyzdan 15 paıyzǵa deıin ulǵaıdy», - deıdi Astana Group prezıdenti Nurlan Smaǵulov. Onyń aıtýynsha, 2011 jyly Qazaqstanda kommertsııalyq tehnıka men avtobýstardyń 486 danasy satyldy. 2010 jyly ol 667 dana bolǵan. Onyń ishinde «Astana Motors» kompanııasy 2011 jyly kommertsııalyq tehnıka men avtobýstar satýdy 120-dan 225-ke deıin arttyrdy. Ósim - 87,5 paıyzdy qurap, naryqtyq qarqynnan ol da eki ese asyp tústi. Sonyń nátıjesinde kompanııanyń úlesi 2010 jylǵy 25-ten 34 paıyzǵa deıin ósti.
