El namysyn qorǵaý erekshe kóńil-kúı syılaıdy — Elena Rybakına

ASTANA. KAZINFORM — 27 jeltoqsan — 5 qańtar aralyǵynda Aýstralııanyń Sıdneı jáne Pert qalalarynda aralas komandalyq synda United Cup týrnıri ótedi.

Qazaqstan tennıs federatsııasynan málim etkenindeı, qazaqstandyqtar Ispanııa, Grekııamen birge S tobyna tústi.

Atalmysh jarysta Qazaqstan namysyn Elena Rybakına, Jibek Qulambaeva, Aleksandr Shevchenko, Dmıtrıı Popko jáne komanda kapıtany Aleksandr Nedovesov qorǵaıdy.

Elena Rybakına 27 jeltoqsan kúni bastapqy matchta ıspanııalyq Djessıka Býzas Maneıro, Aleksandr Shevchenko Pablo Karreno Býstamen oınaıdy.

E.Rybakına osy mezgilde Brısbende WTA 500 dodasynda ótken jylǵy chempıondyq ataǵy men 500 reıtıngilik upaıyn qorǵaýǵa tıis edi. Biraq Elena komandalyq týrnırdi tańdady.

— Men United Cup jarysyna kópten beri qatysqym keletin. Tennıs jeke sport túri bolǵandyqtan, bizderge komandalyq dodalarǵa jıi jol túse bermeıdi. Men úshin mundaı báseke erekshe kóńil-kúı syılaıdy. El namysyn qorǵaý da asa mańyzdy, — dedi E.Rybakına.

Qazaqstan United Cup týrnırinde 2023 jyly alǵash ret baq synaǵan edi. 

Eske sala keteıik, budan buryn Jibek Qulambaevanyń Úndistandaǵy jarystyń jartylaı fınalyna ótkenin jazǵan bolatynbyz.