Elmır Alımjanov semserlesýden Álem kýbogi kezeńinde «qola» aldy
QAZAN. QazAqparat - Semserlesýden Qazaqstan komandasynyń múshesi Elmır Alımjanov Tatarstan astanasy Qazan qalasynda ótip jatqan Álem kýbogi kezeńinde qola júldeger atandy, dep habarlaıdy QazAqparat.
Alımjanov jartylaı fınalda 2019 jylǵy álem chempıony ári Eýropa chempıonatynyń júldegeri, vengrııalyq Gergeı Shıkloshımen kezdesken bolatyn.
Tartysty jekpe-jektiń jeńimpazy eń sońyna deıin belgili bolǵan joq. Al úshinshi kezeńde birneshe upaımen alǵa shyqqan Elmır bul basymdyqty saqtaı almady. Vengrııalyq sportshy sheshýshi sátte bir upaı enshilep, 15:14 esebimen jeńiske jetti.
«Dese de, Elmır Alımjanovtyń qola júldesi de úlken jetistik ekenin aıta ketken jón. Sebebi, qazaqstandyq shpaga sheberleri bir jyldan beri halyqaralyq jarystarǵa qatysqan joq. Osynsha úzilisten soń álem kýboginen júlde alý tek shyn myqtylardyń ǵana qolynan keledi. Al jarys barysynda Elmır 2016 jylǵy Olımpıada chempıony, Ońtústik Koreıa ókili San En Pakty, keıin japonııalyq talantty sportshy Akıro Komatany utty», - dep jazady Olympic.kz.
Aıta ketelik, qazaqstandyq Rýslan Kýrbanov 1/32 aınalymda jeńilis tapty.
