El mektepterindegi tárbıe jumysynyń jańa tujyrymdamasy ázirlenip jatyr

ASTANA. QazAqparat – Ortalyq kommýnıkatsııalar qyzmetindegi brıfıngide Oqý-aǵartý vıtse-mınıstri Edil Ospan qazir vedomstvo tárbıe jumysynyń tujyrymdamasyn ázirlep jatqanyn aıtty, dep habarlaıdy QazAqparat tilshisi.

«Balalar arasynda oryn alyp otyrǵan zorlyq-zombylyq faktileri balalar tárıbesine qatysty keshendi kózqarastyrdyń qajettigin kórsetip otyr. Sondyqtan mınıstrlik tárbıe jumysynyń tujyrymdamasyn ázirleýdi qolǵa aldy. Tujyrymdamanyń negizgi ózegi – ulttyq adamı qundylyqtarǵa negizdelgen bilim men tárbıe ber bolyp tabylady. Osy baǵyttaǵy júıeli sheshimderdiń biri árbir mektepte ata-ana mindetin júzege asyrýda olardaǵy jan-jaqty qoldaýǵa baǵyttalǵan ata-analar akademııasyn qurý bolmaq. Mınıstrlik barlyq múddeli organdarmen birge balalardy zorlyq-zombylyqtan qorǵaý, sýıtsıdtiń aldyn alý boıynsha keshendi jospar ázirleýde. Bul qujat aldaǵy oqý jylyna deıin qabyldanady dep kútip otyrmyz», - dep toqtaldy Edil Ospan.

Sondaı-aq, ol qazir túrli máselesi bar 6 myń bala mektepishilik esepke alynǵanyn aıtty.

Buǵan qosa, ótken jyly bala aldyndaǵy ata-ana mindetin oryndamaǵan 7 myńnan asa adam jaýapqa tartylǵanyn málim etti.

Munymen qatar, ol mınıstrlik JOO-larda psıhologtardy daıarlaý baǵdardamasyna ózgeris engizýdi usynatynyna toqtaldy.