«El Media» redaktsııasyna kireberis vıtrınalardy syndyrǵan kúdiktiler ustaldy
ALMATY. QazAqparat – Almatyda «El Media» redaktsııasy ornalasqan ǵımarattyń kireberis shyny qabyrǵalaryn syndyrǵan eki kúdikti ustaldy, dep habarlaıdy QazAqparat Rolisia.kz-ke silteme jasap.
«Almaty qalasynyń Polıtsııa departamenti atalǵan zańsyz áreketti jasady degen kúdikpen eki adamnyń ustalǵanyn habarlaıdy. Olar – Almaty qalasynyń turǵyny Z. esimdi azamat jáne tarazdyq G. esimdi azamat. Ekeýi de 18 jasta.
Kúdiktilerdiń áreketteri QR Ákimshilik quqyqbuzýshylyq týraly kodekstiń 434-baby – «usaq buzaqylyq» boıynsha saralandy.
Іs materıaldary sheshim qabyldaý úshin sotqa jiberiletin bolady.
Ustalǵandar jasaǵan áreketterin moıyndady.
Іstiń basqa da mán-jaılary anyqtalyp jatyr», - delingen polıtsııa habarlamasynda.
«El Media» redaktsııasynyń áleýmettik jelidegi kanalynda aıtylǵandaı, redaktsııaǵa kireberis áınekter osymen birneshe ret syndyrylyp otyr.
Foto:t.me/POLICE_of_KZ
