Qazaqstan quramasy nysana kózdeýden álem kýbogynyń kezeńderine daıyndyqty bastady
ASTANA. KAZINFORM — Qazaqstan quramasy nysana kózdeýden Doha qalasynda (Qatar) oqý-jattyǵý jıyndaryn bastady. Bul týraly Ulttyq olımpıadalyq komıtettiń baspasóz qyzmeti habarlady.
Komanda aldaǵy álem kýbogynyń kezeńderine daıyndyq júrgizip jatyr. Oqý-jattyǵý jıyny 30 naýryzǵa deıin jalǵasady, sodan keıin keıbir sportshylar álem kýbogynyń kezeńine attanady.
Aıta keteıik, daıyndyq ortalyǵynda Parıj Olımpıadasynyń qola júldegerleri Islam Sátpaev pen Aleksandra Le, sondaı-aq 2024 jylǵy Olımpıada oıyndarynyń qatysýshylary Nıkıta Chırıýkın, Konstantın Malınovskıı, Arına Altýhova, Irına ıÝnýsmetova jáne basqa da sportshylar bar.
Kelesi álem kýbogynyń kezeńi 1-11 sáýir aralyǵynda Býenos-Aıreste (Argentına) ótedi.
Buǵan deıin qazaqstandyq sportshy Kamıla Smaǵulovanyń badmıntonnan Gavanadaǵy týrnırde kúmis júldege ıe bolǵanyn habarlaǵan edik.