El qorjynyna 12 altyn: Almatyda shahmattan jasóspirimder arasyndaǵy Azııa chempıonaty aıaqtaldy
ALMATY. KAZINFORM – Almatyda qazaqstandyq shahmatshylar úshin 26-shy jasóspirimder arasyndaǵy Azııa chempıonaty úlken jeńispen aıaqtaldy. Olar Qytaı, Úndistan, Iran, Reseı (FIDE týynyń astynda) jáne basqa da shahmat salasyndaǵy jetekshi elderdiń eń úzdik jasóspirimderimen básekeles bola otyryp, 25 medal jeńip aldy, onyń 12-si altyn.
2024 jylǵy 10-20 maýsym aralyǵynda Balýan Sholaq atyndaǵy Almaty sport saraıynyń bas arenasynda ótken chempıonatqa 7-18 jas aralyǵyndaǵy 33 elden 650-ge jýyq sportshy qatysty. Bul – Qazaqstan qabyldaıtyn halyqaralyq deńgeıdegi shahmat is-sharasyna qatysýshylar sany boıynsha rekordtyq kórsetkish. Jas shahmatshylar ýaqyttyń barlyq baqylaýynda – klassıkada, rapıdte jáne blıtste baq synasty.
Aýqymdy chempıonatty QR Týrızm jáne sport mınıstrligi, Azııa shahmat federatsııasy, Almaty qalasy ákimdigi jáne Qazaqstan tennıs federatsııasynyń qoldaýymen Qazaqstan shahmat federatsııasy/KazChess uıymdastyrdy. Chempıonattyń bas seriktesi – Freedom Holding Corp. kompanııasy.
«Bizdiń elimiz úshin týrnır úlken ımıdjdik mánge ıe jáne álemdik shahmat qaýymdastyǵy tarapynan senimniń ındıkatory bolyp tabylady.Al biz úshin Qazaqstandyq shahmat federatsııasy kásipqoılyq emtıhanyna aınaldy. Bizdiń sportshylar jeńip alǵan júldeler sanyna jáne 33 elden qatysýshylardyń oń pikirlerine súıene otyryp, biz bul emtıhandy óte jaqsy tapsyrdyq», – dep atap ótti jabylý saltanatynda jeńimpazdardy jeke quttyqtaǵan Qazaqstan Shahmat federatsııasynyń prezıdenti Tımýr Týrlov.
Qazirgi qatysýshylar Azııanyń ár túkpirinen – Irannan Jańa Zelandııaǵa deıingi elderden jınaldy. Ýaqyttyń 3 baqylaýynda - 12 altyn, 8 kúmis jáne 5 qola medal jeńip alǵan qazaqstandyqtardan basqa, chempıon atanǵandar qatarynda Úndistan (5), Iran (3), Vetnam (2) Qytaı (1) jáne Qyrǵyzstan (1) bar. Chempıondyq dýbl (klassıka men rapıdte) úsheýi sátti boldy – Úndistannan Naraıanı Ýmesh Marathe (G08), Anna Shýhman (G18) jáne qazaqstandyq Aldııar Ansat (U18).
Azııa chempıonatynyń jabylý saltanatynda shahmattan 20 jasqa deıingi jańa álem chempıony Qazybek Nógerbekke qurmet kórsetildi. KazShess prezıdenti Tımýr Týrlov chempıonǵa elektokar kiltin tabystap, qazaqstandyq shahmattyń damý tarıhyndaǵy jańa betti ashqan úlken jeńisimen quttyqtady.
26-shy jasóspirimder chempıonaty ekologııalyq taza jáne turaqty damý uranymen ótti. Týrnırde qoldanylatyn barlyq plastık qaıta óńdeldi. Oǵan qatysýshylardyń ózderi arnaıy veloshrederge minip, óz úlesin qosty. Jeńimpaz kýboktar da qaıta óńdelgen plastıkten jasalǵany nazar aýdartady.
