«El qorǵaǵan Er Jánibek» atty halyqaralyq aıtystyń bas júldesin astanalyq aqyn ıelendi - FOTO
ASTANA. QazAqparat - Astanadaǵy «Beıbitshilik jáne kelisim» saraıynda Er Jánibek Berdáýletulynyń 300 jyldyq mereıtoıyna arnalǵan «El qorǵaǵan Er Jánibek» atty halyqaralyq aıtys ótti.
Aıtysty «Nur Otan» partııasynyń qoldaýymen «Er Jánibek» halyqaralyq qoǵamdyq qory jáne Aıtys aqyndary men jyrshy-termeshilerdiń halyqaralyq odaǵy birlesip uıymdastyrǵan.
Aıtystyń bas júldesi - KІA avtokóligin Erkebulan Qaınazarov jeńip aldy, al 1-oryndy pavlodarlyq Aspanbek Shuǵataev enshiledi. 2-oryn jas aqyn Meıirbek Sultanhan men qytaılyq qandasymyz Anargúl Bádelhannyń qanjyǵasyna baılandy. Jyr dodasynda 3-oryndy Maqsat Ahanov pen Qarlyǵash Áýbákirova ıelendi.
