El kolledjderine qujat qabyldaý jalǵasyp jatyr
Mınıstrliktiń Tehnıkalyq jáne kásiptik bilim departamentiniń deregi boıynsha, kolledjderge qujattardy qabyldaý 20 tamyzǵa deıin jalǵasady.
Bıyl memleketten tapsyrys kólemi 50 myń orynǵa artty.
Jalpy kolledjderge memlekettik tapsyrys boıynsha 130 myńnan astam talapkerdi qabyldaý josparlanýda.
Prezıdent tapsyrmasyna sáıkes memlekettik tapsyrys tehnıkalyq mamandyqtarǵa baǵyttalyp, geologııa, taý-ken ónerkásibi, energetıka, metallýrgııa jáne mashına jasaý, kólik, IT, qurylys, kommýnaldyq sharýashylyq jáne taǵy basqa baǵyttar boıynsha arttyrylady.
Sondaı-aq ótken jyldan bastap kásiporyndardyń ótinimderi boıynsha kadrlardy maqsatty daıarlaý engizildi. Bul rette jumys berýshi praktıkany uıymdastyrý jáne kolledj túlekterin odan ári jumysqa ornalastyrý mindettemesin ózine alady. Bıyl kásiporyndardyń ótinimderi boıynsha qosymsha 10 myń stýdent qabyldaý josparlanǵan.
