El-Klassıkony «Kazsport» telearnasy tikeleı efırde kórsetedi
ASTANA. QazAqparat - Búgin «Kazsport» telearnasynyń tikeleı efırinde saǵat 21.10-de Ispanııa chempıonatynyń 14 týry (El-Klassıko) kórsetiledi, dep habarlaıdy «Qazaqstan» teleradıokorporatsııasynyń Strategııalyq marketıng departamenti.
«Kamp Noý» stadıonynda eń myqty ıspandyq fýtbol klýbtary «Real» men «Barselona» óner kórsetpek.
Bul eki ujym - Ispanııa chempıony atanýǵa negizgi úmitkerler. Dál qazir La Lıganyń týrnırlik kestesinde «Real Madrıd» kósh bastap tur. Koroldik klýb 13 týrdan keıin 33 upaıǵa ıe. Al, «Barselona» 27 upaıymen 2-shi orynda kele jatyr.
Sońǵy ret eki klýb 2 sáýir kúni katalonııalyq komandanyń «Kamp Noý» stadıonynda kezdesip, Zıdannyń shákirtteri 1:2 esebimen basym túsken bolatyn.
Sondaı-aq, oıyn matchynyń tikeleı kósetilimi kaztrk.kz saıtynda ótedi.
Aıta keterligi, «Qazaqstan» respýblıkalyq teleradıokorporatsııasy «Qazaqstan» Ulttyq telearnasyn, «Balapan»jáne «Kazsport» arnalaryn, Qazaq radıosyn, «Shalqar», «Astana», «Classic» radıolary men aımaqtyq teleradıokompanııalardy biriktiredi. Korporatsııanyń resmı saıty kaztrk.kz.
