El kınoteatrlarynda QR ІІM ázirlegen «Joldos qutqarýǵa asyǵady» anımatsııalyq fılmi kórsetildi
ASTANA. 9 qańtar. QazAqparat - 2013 jyldyń 9 qańtarynda jańa jyldyń alǵashqy oqý kúninde elimizdiń barlyq iri kınoteatrlarynda ІІM Jol polıtsııasy komıtetiniń tapsyrysy boıynsha ázirlengen
«Joldos kómekke asyǵady» atty tuńǵysh qazaqstandyq anımatsııalyq oqytý serıalynyń tusaýkeser kórsetilimi boldy. Kórsetilim «Nur Otan» HDP jáne «Juldyz» balalar qoǵamdyq odaǵy uıymdary» qoǵamdyq birlestiginiń qoldaý kórsetýimen ótti. Bul týraly Qazaqstan Respýblıkasy ІІM Jol polıtsııasy komıtetinen habarlady.
Mýltfılm qazaq jáne orys tilderindegi: «Jolaýshy bolý ońaı emes!», «Velosıpedtiń rýlinde - sen júrgizýshisiń! Al rolıkterde - jaıaý júrginshisiń!», «Júrgizýshiniń qasynda - qyraǵy bol!» atty on mınýttyq úsh serııadan turady. Olardyń árqaısysynda belgili bir qaýipti jol oqıǵasy keltirilgen jáne odan shyǵý joldary boıynsha túsiniktemeler beriledi.
Anımatsııalyq fılmniń bas keıipkeri - batyl Joldos (Joldaǵy dos), ol fılmniń keıipkerlerin jolda qaýipsiz júrýge úıretýden basqa, keremet kúsh, asqan jyldamdyq, keńistikte shapshań aýysý sııaqty qarapaıym adamdarda joq óziniń ǵajaıyp qabiletterimen joldarda bolýy múmkin apattardyń aldyn alady.
Mýltfılmniń stsenarıi erekshe, jas ınternet paıdalanýshylar arasynda óte tanymal, Jol polıtsııasynyń veb-portalynda ornalastyrylǵan «Qaýipsizdik álippesi» on-laın oıynynyń jelisi boıynsha ázirlengen.
Astanada 600 oqýshy fılmniń alǵashqy kórermenderi boldy. Tusaýkeser kórsetilim «Arsenal» kınoteatrynda ótti. Oǵan Olımpıada chempıondary Marına Volnova, Serik Sápıev, Georgıı Tsýrtsýmııa jáne Bahyt Sársekbaev qatysty.
Kórsetilimnen keıin árbir balaǵa «Joldos kómekke asyǵady» mýltserıalynyń dıski syılyqqa berildi.
Sonymen qatar, mýltfılm KazTube-tegi ІІM-niń resmı arnasynda, ІІM veb-portalynda (mvd.gov.kz) ornalastyrylǵan, olardy respýblıkalyq telearnalarda kórsetý josparlanǵan. Budan basqa, mýltserıal dıskilerge jazylyp respýblıkanyń jalpy bilim berý organdary arasynda tegin taratylatyn bolady.
ІІM-niń Jol polıtsııasy komıteti 2011-2012 jyldary jol qozǵalysy qaýipsizdigin qamtamasyz etýge, onyń ishinde joldarda balalardyń qaýipsiz minez-qulqyn nasıhattaýǵa baǵyttalǵan 12 áleýmettik rolık ázirlegenin atap ótý qajet.
