El ishindegi turaqtylyq búgingi kúngi jetistikterimizdiń negizi - Astana qalasy Qazaqstan halqy Assambleıasynyń HІ sessııasy
sp;ASTANA. Jeltoqsannyń 22-si. QazAqparat /Gúlmıra Álıakparova/ - Búgingi kúni Astanada 130-dan astam ult pen ulys ókilderi turady.
Bul týraly búgin Astana qalasy Qazaqstan halqy Assambleıasynyń HІ sessııasynda elorda ákiminiń orynbasary Ámirhan Raqymjanov aıtty, dep habarlaıdy QazAqparat.
Á.Raqymjanovtyń atap kórsetkenindeı, búgingi kúni Astanada 130-dan astam ult pen ulys ókilderi turady, 26 etnomádenı ortalyq jumys isteıdi. Sondaı-aq, qalada árbir etnosqa óziniń tili men dástúrin damytýǵa múmkindik berip otyrǵan jeksenbilik 12 mektep bar.
«Ultaralyq kelisimge qol jetkizý turǵysynda bular mańyzdy elemenetter ekendigine kelisemin. Deı turǵanmen, biz bir mezgilde barsha qazaqstandyqtardy biriktiretin basty faktorlardyń biri - memlekettik tildi damytýǵa bar kúsh-jigerimizdi salýymyz qajet. Bıylǵy jyly Assambleıanyń kúshimen ǵana etnomádenı birlestikter múshelerine qazaq tilin úıretetin 8 top quryldy. Bul istiń basy ǵana. Astanalyq Assambleıa elordalyqtarǵa memlekettik tildi úıretý úrdisin óz tizginine alýy tıis. Bul úshin qalada barlyq jaǵdaı jasalǵan», - dep atap ótti ol.
Onyń aıtýynsha, bul iste etnomádenı birlestikterdiń tóraǵalaryna erekshe mindetter júktelip otyr. Sebebi olar, eń aldymen, dıasporalardyń kóshbasshylary - buqaralyq jáne bedeldi tulǵalar bolyp tabylady. Al olardyń mol tájirıbeleri aqparattyq-nasıhattyq jumystardy tıimdi júrgizip ǵana qoımaı, sonymen qatar memleketimizdiń ulttyq saıasatyn naqty jetkizýge múmkindik beredi.
Sondaı-aq ákim orynbasary, Elbasy, Qazaqstan halqy Assambleıasynyń tóraǵasy N.Nazarbaevtyń «Birlik - tynyshtyq pen túsinistik bar jerde ústemdik etedi», degen sózderin keltire otyryp, el ishindegi turaqtylyq búgingi kúngi jetistikterimizdiń negizi bolǵandyǵyn qadap aıtty.
