El ishinde oqý-jattyǵý aıasynda áskerı tehnıkalar qozǵalysy bolady
Oqý-jattyǵý Memleket basshysy – Qarýly kúshterdiń Joǵarǵy bas qolbasshysy Qasym-Jomart Toqaevtyń armııanyń jaýyngerlik qabiletin túbegeıli arttyrý, kúshtik qurylymdardy tıimdi úılestirýdi qamtamasyz etý, olardyń jedel jáne áskerı-tehnıkalyq úılesimdiligin jolǵa qoıý jónindegi tapsyrmalaryn iske asyrý sheńberinde ótkiziledi.
Oqý-jattyǵý barysynda kúshter men quraldardyń el ishinde qozǵalysy jasalady. Bólimsheler oqý-jaýyngerlik tapsyrmalardy pysyqtaý úshin polıgondarǵa marsh jasap, sodan keıin turaqty ornalasý pýnktterine oralady.
Jattyǵý Aqtóbe, Almaty, Atyraý, Jambyl, Qyzylorda, Mańǵystaý, Túrkistan sekildi jeti oblystyń, sondaı-aq respýblıkalyq mańyzy bar Almaty jáne Shymkent qalalarynyń aýmaǵynda ótedi.
Almaty avıatsııalyq bazasyndaǵy áskerı avıatsııanyń ushqyshtary Mı-17 kóliktik-jaýyngerlik tikushaqtarynda jáne Mı-35M jaýyngerlik tikushaqtarynda Arnaıy operatsııalar kúshteriniń taktıkalyq desantyn oqý-jaýyngerlik tapsyrmalardy pysyqtaıtyn aýdandarǵa jetkizý men alyp júrýdi oryndaıdy.
Jospar boıynsha áskerı-kólik avıatsııasynyń ekıpajdary S-295 ushaqtarymen Qarýly kúshterdiń bólimshelerin Mańǵystaý oblysyna jetkizýdi júzege asyrady. Olar «Aqtaý-Jańaózen» avtomobıl jolynyń áýeaılaǵyna qonatyn bolady. Arnaıy operatsııalar kúshteriniń áskerı qyzmetshileri Mańǵystaý oblysynyń «Oımasha» polıgonynda oqý-jaýyngerlik tapsyrmalardy pysyqtaıdy. Oqý-jattyǵý aıaqtalǵannan keıin bólimsheler ushaqtarmen turaqty ornalasý pýnktterine qaıtarylady.
Bıyl 6-7 sáýirde túngi ýaqytta lekterdiń qozǵalysy kelesi kestede júzege asyrylǵanyn atap ótý qajet:
– «Ońtústik» óńirlik qolbasshylyǵynda – Taraz qalasyndaǵy áskerı bólimnen tehnıka «Mátibulaq» polıgonyna jiberildi;
– «Shyǵys» óńirlik qolbasshylyǵynda – Semeı qalasynyń áskerı bóliminen Aıagóz qalasynyń áskerı bólimine, odan ári – «Maılın» polıgonyna jóneltildi;
– Almaty jáne Taldyqorǵan garnızondary áskerı bólimderiniń jeke quramy áskerı avıatsııa tikushaqtarynyń búrkemeleýimen «Іle» polıgonyna, Qapshaǵaı garnızonynyń áskerı bólimderiniń jeke quramy «Shoshqaly» polıgonyna jiberildi.
