El ishinde qonys aýdaratyn kóship-qonýshylar sany 21,1 paıyzǵa azaıdy
ASTANA. 16 sáýir. QazAqparat - 2013 jylǵy qańtar-aqpanda respýblıka boıynsha kóshi-qonnyń oń aıyrymy qalyptasty. Respýblıkaǵa kelgender sany ketkender sanynan 559 adamǵa nemese 21,1 paıyzǵa artty. Bul týraly QR Statıstıka agenttiginen habarlandy.
2012 jylǵy sáıkes kezeńimen salystyrǵanda Qazaqstanǵa kelgender sany 50 paıyzǵa azaıyp, 3209 adamdy qurady, al Qazaqstannan ketkender sany 23,9 paıyzǵa kemip, 2650 adamdy qurady.
Atap aıtqanda, elimizdegi negizgi kóshi-qon almasýy TMD memleketterimen oryn alýda. TMD elderinen kelgenderdiń jáne sol elderge ketkenderdiń sany, tıisinshe, 2575 (80,2 paıyz) jáne 2442 (92,2 paıyz) adamdy qurady.
«El ishinde qonys aýdaratyn kóship-qonýshylar sany 21,1 paıyzǵa azaıdy jáne 46,9 (59,4) myń adamdy qurady. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 6 óńirinde baıqaldy: Astana (2378 adam) jáne Almaty (834 adam) qalalarynda, Almaty (989 adam), Mańǵystaý (391 adam), Atyraý (85 adam) jáne Pavlodar (27 adam) oblystarynda»,-delingen agenttik málimetterinde.
