El ishinde qandaı taýarlarǵa ilespe júk qujattardy rásimdeý qajet
Vedomstvo 1 sáýirden bastap taýarlarǵa ilispe júk qujattardy rásimdeý boıynsha mindettemeler kúshine enetinin eskertti, olar:
- «Vırtýaldy qoıma» modýlin qoldana otyryp, munaı ónimderi, alkogol ónimderi, tońazytqyshtar men muzdatqyshtar boıynsha;
- «Vırtýaldy qoıma» modýlin qoldanbaı EAEO sheńberinde (barlyq taýarlar boıynsha) taýarlardyń ımporty/eksporty kezinde.
Qalǵan taýarlar boıynsha taýarlarǵa ilispe júk qujattardy qoldaný erikti negizde júzege asyrylady.
Taýarlarǵa ilispe júk qujattardy rásimdeýge jatatyn taýarlardyń tizbesi jáne rásimdeý qaǵıdalary Qazaqstan Premer-Mınıstriniń birinshi orynbasary - Qarjy mınıstriniń 2019 jylǵy 26 jeltoqsandaǵy №1424 buıryǵymen retteledi.
Taýarlarǵa ilispe júk qujattardy rásimdeý bóligindegi buzýshylyqtar úshin «Ákimshiliq quqyq buzýshylyq týraly» Kodekstiń 283-1 babynda ákimshilik jaýapkershilik kózdelgen.
Aıta keterligi, taýarlarǵa ilispe júk qujattardy elektrondyq shot-faktýralardyń aqparattyq júıesinde úsh tásilmen: esf.gov.kz portalynda, salyq tóleýshilerdiń esepke alý júıeleri arqyly nemese EShF AJ mobıldi qosymshasynda rásimdeledi. Barlyq kórsetilgen ádisterge qol jetkizý tegin.
«Vırtýaldy qoıma» modýlin qoldanbaı taýarlarǵa ilispe júk qujattardy rásimdeý úshin: rásimdeý kezinde portalda «Taýar VQ emes» tańdaýyn paıdalaný qajet; esepke alý júıelerin
Taýarlardy «Vırtýaldy qoımaǵa» kiristi óshirý úshin (taýarlarǵa ilispe júk qujattardy rásimdeý boıynsha mindettemeleri joq taýarlar boıynsha) EShF AJ portalyndaǵy parametrlerdi ózgertý qajet (Parametrler – VQ derekterdi qabyldaý)
Tolyq paıdalanýshy nusqaýlyǵy «EShF AJ» bólimi «EShF AJ» boıynsha qujattar» qoıyndysy – «Paıdalanýshy nusqaýlyǵy (júkteý)» kgd.gov.kz saıtynda ornalastyrylǵan.
Tehnıkalyq qoldaý qyzmeti esfsd@kgd.minfin.gov.kz elektrondyq mekenjaı boıynsha jáne +7(7172)72-78-72 telefon lınııasy boıynsha 24/7 rejımde jumys isteıdi.
