El ishinde adamdardyń demalysyn sýbsıdııalaý usynyldy
ASTANA. QazAqparat - Qazaqstannyń týrındýstrııa ulttyq odaǵy tóraıymy Inna Reı týrızmdi damytý baǵytynda el ishindegi demalysty sýbsıdııalaýdy usyndy.
«Elimizdiń ekonomıkasynda bul salany sýbsıdııalaý úrdisi paıda bolýyn qalap otyrmyz. ıAǵnı, shetelge shyǵýǵa múmkindigi joq adamdar úshin demalýǵa jaǵdaı jasaý qajet bolyp tur. Sondyqtan da bul turǵyda qazirgi kezde tıisti jumystar júrgizilip jatyr»,-dedi ol.
Óz kezeginde atalǵan uıymnyń atqarýshy dırektory Gaýhar Jeńisbek máseleniń mán- jaıy týrıstik sertıfıkattardy engizýge baılanysty ekenin atap ótti. «Qazirgi kezde týrıstik sertıfıkattardy engizý jónindegi másele qarastyrylyp jatyr. Bul buryndary bolǵan kásipodaq joldamalaryna balama ispettes. Atap aıtqanda, elimizdegi demalys oryndaryna sertıfıkattar berýi úshin jumys berýshilerdi yntalandyrýǵa nıettimiz»,-dedi ol.
Atalǵan odaq ókilderiniń aıtýynsha, qazirgi kezde Qazaqstanda týrızmdi damytýdyń jospary ázirlenip, onda salany sýbsıdııalaý jeke taraý bolyp aıqyndaldy.
«Osy baǵyt úshin memlekette bar resýrstar qaraldy. Qazirgi kezde el ishinde týrızm zeınetkerler men halyqtyń áleýmettik turǵydan álsiz toptary úshin dotatsııalyq bolýy úshin úlken jumystar atqarylýda»,-dedi Inna Reı.
Onyń paıymynsha, ishki týrızm úshin negizgi kedergi saladaǵy joǵary baǵaǵa baılanysty bolyp otyr. Sonymen qatar keıbir jerlerde ınfraqurylym da tıisti deńgeıge jetkizilmegen.
