«El ishi - óner kenishi» respýblıkalyq televızııalyq halyq shyǵarmashylyǵynyń irikteý týry Aqtóbe oblysynan bastalady
ASTANA. 28 mamyr. QazAqparat - 29 mamyrda Aqtóbede «El ishi - óner kenishi» atty respýblıkalyq televızııalyq halyq shyǵarmashylyǵy baıqaýynyń oblystyq týry ótedi.
QR Mádenıet jáne aqparat mınıstrliginiń málimetinshe, baıqaýǵa Aqtóbe oblysynyń kórkemónerpaz shyǵarmashylyq ujymdary men jeke oryndaýshylary qatysady. Sondaı-aq, beıneleý jáne sándik-qoldanbaly óner sheberleriniń kórmesi uıymdastyrylady.
Baıqaýdyń maqsaty - jańa daryndardy anyqtaý jáne talanttarǵa, ózindik erekshelikteri bar shyǵarmashylyq ujymdar men oryndaýshylarǵa qoldaý kórsetý, talantty adamdarǵa qoldaý kórsetýge jáne olardyń shyǵarmashylyq qabiletin damytýǵa jaǵdaı jasaý, Qazaqstan halqy mádenıetin jandandyrý, saqtaý, damytý jáne taratý, sondaı-aq jastardyń ultjandylyq tárbıe alýyna, olardyń ulttyq jáne álemdik mádenıet qundylyqtarymen tanysýyna yqpal etý bolyp tabylady.
Baıqaý mýzyka jáne bı, teatr óneri jáne orıgınaldyq janr, beıneleý jáne sándik-qoldanbaly óner atty janrlyq atalymdar boıynsha ótkiziledi.
Búgingi tańda baıqaýdyń aldyn-ala kestesi ázirlenip, ol oblystarda bıylǵy mamyr - qarasha aılary aralyǵynda ótkiziledi. Osy keste boıynsha alǵashqy baıqaýdyń dodasy Aqtóbe oblysynda ótkizilip otyr.
Aqtóbe oblysy boıynsha Baıqaýdyń qazylar alqasynyń tóraǵasy bolyp Qazaqstannyń eńbek sińirgen qaıratkeri, belgili kompozıtor ári oryndaýshy, «Gúlder» ansambliniń jetekshisi Jeńis Seıdollauly taǵaıyndaldy. Qazylar alqasynyń quramyna óner salasyndaǵy jergilikti bilikti mamandar engizildi.
Oblystyń eń úzdik ujymdary men oryndaýshylary Astanada ótetin baıqaýdyń qorytyndy gala-kontsertine qatysady.
