«El ishi - óner kenishi» atty respýblıkalyq televızııalyq halyq shyǵar­ma­shylyǵy baıqaýy ótedi

Baıqaýǵa oblystardyń, Almaty men Astana qa­lalarynyń kórkemónerpaz shyǵarmashylyq ujym­­dary men jeke oryndaýshylary qatysa alady.

Baıqaýdyń maqsaty men mindetteri mynalar:

1) jańa daryndardy anyqtaý jáne talant­tarǵa, ózindik erekshelikteri bar shyǵarmashylyq ujymdar men oryndaýshylarǵa qoldaý kórsetý;

2) talanttarǵa qoldaý kórsetýge jáne olardyń shyǵarmashylyq qabiletin damytýǵa jaǵdaı jasaý;

3) turǵyndardyń jalpy mádenı deńgeıin kóterý;

4) jurttyń bos ýaqytyn jáne estetıkalyq tárbıe alýyn uıymdastyrý;

5) mádenıet salasyndaǵy memlekettik saıasatty júzege asyrý;

6) Qazaqstan halqy mádenıetin jandandyrý, saqtaý, damytý jáne taratý;

7) jastardyń ult rýhanııatynan tárbıe alýyna, olardyń ulttyq jáne álemdik mádenıet qundylyqtarymen tanysýyna yqpal etý.

Baıqaý tómendegideı janrlyq nomınatsııalar boıynsha ótkiziledi:

1) mýzyka jáne bı;

2) teatr óneri jáne orıgınaldyq janr;

3) beıneleý jáne sándik-qoldanbaly óner.

Baıqaý aımaqtarda iriktelgen ónerpazdar qatysqan Astanadaǵy gala-kontsertpen aıaqtalady. Bul shara týraly BAQ-tarda jarııalanady.

Baıqaý ústimizdegi jyldyń mamyr-qarasha aılary aralyǵynda ótkiziledi.

Baıqaýǵa qatysýǵa jeke shyǵarmashylyq ujymdar men 15 pen 35 jas aralyǵyndaǵy jeke oryndaýshylar shaqyrylady.

Baıqaýǵa qatysýǵa ótinishti jergilikti jer­ler­degi mádenıet basqarmalary qabyldap, onyń ótki­zilý merzimi men orny týraly málimetti Mádenıet jáne aqparat mınıstrligine 2012 jyldyń mamyr aıyna deıin usynady.

Qatysýshylar ózi tańdaǵan shyǵarmany oryndaý uzaqtyǵy 3-5 mınýttan aspaýy kerek. Eń jaqsy degen ujymdar men oryndaýshylar Astanada ótetin qorytyndy gala-kontsertke qatysady. Baıqaýdyń jeńimpazy qazylar alqasynyń sheshimimen gala-kontsertte anyqtalady.

Baıqaý týraly tolyq maǵlumatty Qazaqstan Respýblıkasynyń Mádenıet jáne aqparat mı­nıstr­liginiń saıtynan (www.mk.gov.kz) alýǵa bolady.