El halqynyń sany artyp, otandyq azyq óndirisi quldyrap barady - májilismen Ý. Bıshimbaev
Búgin Parlament Májilisinde elimizdegi azyq-túlik ónimderiniń baǵasyn retteý máselelerin talqylaý barysynda depýtat Ýálıhan Bıshimbaev osylaı málim etti.
Depýtattyń aıtýynsha, 2007-2012 jyldar boıynsha azyq-túlik sebetine enetin taýarlardyń jekelegen túrlerin elimizde óndirý tómendegen. Tek jemis-jıdekter, kókónis óndirý mólsheri ǵana azdap ósýde. Osynyń ózi azyq-túlik baǵasyna áserin tıgizedi. «Nan men unǵa baǵany jergilikti bılik ázirshe ýysta ustap tur. Al kókónis pen jemisterge maýsymdyq baǵanyń tómendeýi baıqalǵanymen, jalpylama ósip jatyr. Ásirese qııar men qyzanaq. Sonymen qatar, bunyń aýqymdy bóligi ımporttalyp, Qytaıdan, Ázerbaıjannan, Qyrǵyzstannan jetkizilýde», - deıdi Ý. Bıshimbaev.
Budan bólek, depýtat sońǵy 5 jylda respýblıka halqynyń sany 8,3 paıyzǵa artqanyn jáne bul úderis qarqyndy bolyp otyrǵanyn aıtty. «Alaıda, iri qara mal basynyń sany 14 paıyzǵa, qoı - 6,6 paıyzǵa, shoshqa - 35 paıyzǵa kemigen. Bunyń ózi otandyq azyq-túlik taýarlarynyń jan basyna shaqqandaǵy úlesi kemip otyrǵanyn kórsetedi. Memleket basshysy et eksportyn 60 myń tonnaǵa jetkizý mejesin qoıdy. Al bizdiń byltyrǵy 2011 jylǵy kórsetkishimiz bar-joǵy 59-60 tonnany ǵana qurap otyr», - dedi Ý. Bıshimbaev.
