El halqynyń sany 2013 jylǵy 1 qańtardaǵy jaǵdaı boıynsha 16 mln. 911,9 myń adamǵa jetti
ASTANA. 7 aqpan. QazAqparat - Qazaqstan halqynyń sany 2013 jylǵy 1 qańtardaǵy jaǵdaı boıynsha bir jyl ishinde 1,4 paıyzǵa artyp 16 mln. 911,9 myń adamdy qurady.
Bul týraly Statıstıka agenttiginiń saıtyndaǵy málimetterde qamtylǵan.
Agenttiktiń derekterine qaraǵanda 1 qańtar boıynsha elimizdegi qala halqynyń sany - 9264,9 myń, aýyl turǵyndarynyń sany 7646,9 myń boldy. Al Astana halqy 2012 jyly 35,2 myńǵa artyp, 778,1 myńǵa, Almaty qalasyndaǵy halyq sany 25,3 myńǵa kóbeıip, 1 mln 475,6 myń adamǵa jetti.
Budan bólek, Ońtústik Qazaqstan oblysynyń halqy bir jylda 56,8 myńǵa ósip, 2 mln 678,3 myń bolsa, Almaty oblysynyń halqynyń sany - 37,3 myńǵa kóbeıip, 1 mln 946,6 myń adamdy qurady. Mańǵystaý oblysynyń halqynyń sany 22,4 myńǵa artyp, 568,1 myń, Jambyl oblysynyń halqynyń sany - 14,3 myńǵa kóbeıip, 1 mln. 070 myń adamǵa jetti. Sonymen qatar, Soltústik Qazaqstan oblysynyń halqynyń sany 4 myńǵa azaıyp, 579,6 myń, Shyǵys Qazaqstan oblysynyń halqynyń sany 1,1 myńǵa azaıyp, 1 mln. 393,9 myń adam boldy. Qostanaı oblysynda adam sany azdap artty, onda halyq sany 880,1 myńǵa jetti.
