El ǵalymdary kıik sanynyń saqtalýyn jáne kóbeıýin qamtamasyz etý úshin olardyń aýrýyn zerttemek
ASTANA. 22 qarasha. QazAqparat /Marlan Jıembaı/ - Elimiz aýmaǵyndaǵy kıikterdiń jappaı qyrylýyna baılanysty eshqandaı kúdik bolmaýy tıis,
óıtkeni olar shynymen de pasterellez vırýsyn tasymaldaýshy bolyp tabylady. Bul pikirdi búgin elordada ótken kıikterdi qorǵaý máseleleri boıynsha memlekettik organdardyń jalpy kirisin esepteý jónindegi vedomstvoaralyq otyrys barysynda QR Aýyl sharýashylyǵy mınıstrligi Orman jáne ań sharýashylyǵy komıtetiniń tóraǵasy Erlan Nysanbaev bildirdi.
Aǵymdaǵy jyly Batys Qazaqstan oblysynda 11920 bas túz janýarynyń qyrylyp qalǵanyn eske salǵan ol: «Qazirgi ýaqytta biz kıikterdiń paterellez vırýsyn tasymaldaýshy bolyp tabylatyndyǵyn aıta alamyz», - deıdi.
Sondaı-aq komıtet tóraǵasynyń atap ótýine qaraǵanda, elimizdiń ǵylymı uıymdaryna kıikterdi qorǵaý máselesi boıynsha ǵylymı zerttemeler jasaýǵa usynystar berilýde. Alaıda ol qosymsha qarajatty qajet etedi. Degenmen qazirdiń ózinde úsh ǵylymı uıymnan bul máseleni zerdeleýge baılanysty usynys túsip otyr. Olardyń usynystary QR Bilim jáne ǵylym mınıstrligimen birlesip qarastyrylatyn bolady.
«Kıikterdiń aýrýy az zerttelgen. Sondyqtan biz bul ispen aınalysatyn bolamyz. Keńes ýaqytynda Reseıde bul baǵytta atqarylǵan jaqsy jumystar boldy. Meniń oıymsha, atalmysh másele óte mańyzdy ári onymen aınalysý qajet», - dedi E.Nysanbaev.
