El ekonomıkasynda 11 aıdaǵy ınflıatsııa deńgeıi 7 paıyzdy qurady
ASTANA. 28 jeltoqsan. QazAqparat - El ekonomıkasynda 11 aıdaǵy ınflıatsııa deńgeıi 7 paıyzdy qurady. Bul týraly búgin Úkimet otyrysynda Ekonomıkalyq damý jáne saýda mınıstri Qaırat Kelimbetov aıtty.
Mınıstrdiń atap ótýinshe, elimizde makroekonomıkalyq turaqtylyq saqtalyp otyr. Bul rette úkimettiń tarıftik retteý men básekelestikti damytýǵa, sondaı-aq áleýmettik mańyzy bar azyq-túlikke baǵanyń edáýir ósýine jol bermeýge baǵyttalǵan belsendi sharalary ekonomıkaǵa jasalatyn ınflıatsııalyq qysymdy tómendetýge múmkindik berdi.
«Inflıatsııa 2010 jylǵy qarashadaǵy 0,8 paıyzǵa qaraǵanda, aǵymdaǵy jyldyń qarashasynda 0,6 paıyzdy qurady. Inflıatsııa deńgeıi 2011 jylǵa qańtar-qarashada 7 paıyzdy qurady nemese ótken sáıkes kezeńniń kórsetkishinen 0,1 paıyzǵa taman tómendedi. Jyldyq mándegi ınflıatsııa 7,8 paıyz deńgeıinde saqtalady jáne jyldyń sońyna josparlanǵan 6,8 paıyzdyq dálizde tur», - dedi ol.
