El ekonomıkasy 10 aıda 4,5% ósti
ASTANA.KAZINFORM - USB-nyń aldyn ala derekterine sáıkes, 2026 jylǵy qańtar–qazanda Qazaqstannyń JІÓ-niń naqty ósimi 4,5%-dy qurady. Bul 9 aıdaǵy kórsetkishpen salystyrǵanda 0,3 paıyzdyq tarmaqqa joǵary, dep habarlaıdy Úkimettiń baspasóz qyzmeti.
Ekonomıkalyq ósimge negizinen shıkizattyq emes sektor úles qosty. Aldyn ala baǵalaý boıynsha, atalǵan sektor 5,6%-ǵa ósken.
Ónerkásiptik óndiris kólemi 3,5%-ǵa artty.
Bul rette óńdeýshi sektordyń ósý qarqyny toǵyz aıda 8,6%-dan aǵymdaǵy jylǵy on aıda 9,3%-ǵa deıin artty.
Óńdeý sektoryndaǵy eń joǵary ósý qarqyny mashına jasaýda (22,2%), farmatsevtıkada (50,9%), daıyn metall buıymdaryn óndirýde (30,4%), hımııa ónerkásibinde (21,9%), rezeńke jáne plastmassa buıymdaryn óndirýde (18,1%), tamaq ónimderinde (13%), qurylys materıaldarynda (5,4%) baıqalady.
Qurylys salasynda ósim 13,1%-dy, kólik jáne qoımada – 7,5%-dy, saýdada – 6,2%-dy, aýyl sharýashylyǵynda – 5,2%-dy, baılanys salasynda 4,9%-dy qurady.
