El chempıonatyndaǵy qaı klýbtyń legıonerleri nashar
ASTANA. QazAqparat - Fýtboldan Qazaqstan premer-lıgasynyń birinshi aınalymy aıaqtaldy.
65 oıynda el chempıonatyndaǵy klýbtarymyzdyń shama-sharyqtary anyq baıqaldy. Óz quramyn deńgeıi joǵary legıonerlermen jasaqtaı almaǵan komandalar ekshelip, kósh sońyna túsip qaldy. Bul týraly Astana fýtbol federatsııasynyń saıtynda habarlandy.
Legıonerler komandany alǵa súıreý úshin qajet. Olardyń deńgeıi jergilikti fýtbolshylardan meıilinshe joǵary bolýy tıis. Sonda ǵana komanda joǵary jetistikterge qol jetkize alady. Al shet elderden qalap, tańdap ákelingen fýtbolshylardyń deńgeıleri jergilikti oıynshylardan joǵary bolmasa, tipti tómendeý bolsa, onda mundaı komanda "qaırańda" qalady.
Qazaqstan premer-lıgasynyń birinshi aınalymnan keıingi kestesine kóz júgirtsek, kósh sońynda «Aqtóbe» men «Shahter» tur. Bul ekeýiniń legıonerleri óz fýtbolshylarymyzdan asyp túserlikteı emes eken.
Sondaı-aq «Oqjetpestiń» bıylǵy legıonerleriniń basym kópshiligi senim údesinen shyǵa alar emes. Bularǵa «Tarazdy» da qosýǵa bolady. Mysaly, Qaraǵandynyń «Shahterin» alaıyq. Birinshi aınalymda 10 oıyn ótkizip, 10 gol soqty. Sonyń bireýin ǵana sheteldik fýtbolshy soqty. Qalǵan toǵyz dop - óz fýtbolshylarymyzdyń enshisinde. Osy rette, kenshiler sapyndaǵy legıonerler gol soǵýdan góri qorǵanysqa kóp kóńil bóletin oıynshylar degen ýáj aıtylýy múmkin. Iá, biraq «Atyraýdyń» ortalyq qorǵaýshysy ıÝre Obshıvach úsh márte óte mańyzdy, al «Ordabasynyń» ortalyq qorǵaýshysy Pablo Fontanello eki ret óte ádemi dop soqty. «Ertistiń» ekpindi qorǵaýshysy Stefan Jıvkovıch te, «Qaırattyń» tas qamal qorǵaýshysy Jarko Markovıch te eki goldan soǵyp, jaǵdaılary tyǵyryqqa tirelgende bárine de úlgerip, shabýylshylaryna da kómektesip júr. Jáne mundaı mysaldar kóp, dep jazady maqala avtory Nurǵazy Sasaev.
