El chempıonatynda Astana karateshileri jalpykomandalyq І oryndy ıelendi
ASTANA. 18 sáýir. QazAqparat - Qazaqstan Respýblıkasynyń chempıonatynda jastar men jasóspirimder jáne qyzdar men erler arasynda elordanyń sportshylary karate kıokýshınkaı - kann boıynsha jalpykomandylyq І orynǵa qol jetkizdi.
Bul týraly astana.kz saıtyna Astana ákimdiginiń «Jiger» sport klýbynan málim etti.
Kıokýshınkaı - kan karate boıynsha Qazaqstan Respýblıkasynyń chempıonaty 2013 jyldyń 14 sáýirinde Atyraý qalasynda balalar, jastar men jasóspirimder, jáne áıelder men erler arasynda ótti.
Týrnırge Astana, Semeı, Kókshetaý, Qyzylorda, Aqtaý, Atyraý, Taraz, Almaty, Pavlodar, Petropavl sııaqty 10 qaladan jáne Astrahan men Krasnodar qalalarynan sportshylar keldi.
Tutastaı alǵanda, týrnırge 300 sportshy qatysty. Tóreshiler jarysty úsh tatamıda baǵalady.
Sport klýbtyń habarlaýynsha, komandalyq esepte Astana І orynǵa shyqty. Kúmisti jalpykomandalyq esepte Kókshetaý sportshylary, ІІІ oryndy Atyraý sportshylary qanjyǵalaryna baılady.
