El chempıonaty: Tobyl Ordabasyn oısyrata utty
NUR-SULTAN. QazAqparat – Fýtboldan Qazaqstan chempıonatynyń 17-týry Qostanaıda «Tobyl» - «Ordabasy» matchymen túıindeldi, dep habarlaıdy QazAqparat tilshisi.
Qos komanda júldeli oryndardan úmitker bolǵandyqtan, jankúıerler oıyn tartysty bolar dep oılaǵan.
Alaıda alań ıeleri ózderiniń basymdyǵyn aıqyn kórsete bildi. Aldymen 16-mınýtta «Tobyl» sapyndaǵy serbııalyq legıoner Zoran Toshıch mergendik tanytty. Sodan keıin onyń otandasy Mılan Výkadınovıch 33-mınýtta esepti 2:0-ge jetkizdi.
Ekinshi taımda Serikjan Mýjıkov 69-mınýtta taǵy bir goldyń avtory atandy. Aıbar Jaqsylyqov 73-mınýtta qaqpaǵa dopty ádemi baǵyttady – 4:0.
Osylaısha, «Ordabasyny» oısyrata utqan «Tobyl» 29 upaımen úshinshi orynǵa kóterildi. Shymkenttikter (26 upaı) besinshi orynǵa syrǵydy.
Eske sala keteıik, budan buryn el chempıonatynda «Atyraýdy» utqan «Aqjaıyqtyń» onynshy orynǵa kóterilgenin jazǵan bolatynbyz.
Sondaı-aq «Aqtóbe» týrnır kestesindegi pozıtsııasyn jaqsartty .
Qazaqstan chempıonatynda «Qyzyljar» «Turandy» tize búktirdi .
Qazaqstan chempıonatynda «Astana» «Tarazben» teń oınap, «Aqtóbeni» uzatyp aldy .
