El chempıonatynda «Astana» men «Tobyl» komandalary teń tarqasty
ALMATY. KAZINFORM — Almaty qalasyndaǵy «Han-Táńiri» stadıonynda fýtboldan Qazaqstan chempıonatynyń besinshi týrynda «Astana» Qostanaıdyń «Tobylyn» qabyldady.
Ótken jylǵy kúmis júldeger «Astana» men Qazaqstan kýboginiń ıegeri qostanaılyqtar bıyl da kóshtiń aldyńǵy qatarynan kórinýge múddeli edi.
Birinshi taımda buryshtamadan berilgen doptan keıin 13-mınýtta «Tobyldan» Alıýn Ndıaıe esep ashty.
Degenmen 27-mınýtta Stas Pokatılovpen jeke-dara shyqqan Marın Tomasov tarazy basyn teńestirdi.
Bul — M.Tomasovtyń «Astana» sapyndaǵy 100-inshi goly edi.
Ekinshi kezeńde Davıd Enen 78-mınýtta «Tobyldy» qaıta alǵa shyǵardy.
Biraq 93-mınýtta Stanıslav Basmanov «Astanaǵa» bir upaı áperdi.
Qorytyndy esep — 2:2.
Bes týrdan keıin 8 upaıy bar «Tobyl» kósh basyna jaqyndaı tústi. Elordalyqtar 7 upaımen 6-satyda tur.
Eske sala keteıik, budan buryn fýtboldan el chempıonatynda «Qaıratty» utqan «Aqtóbeniń» kósh basyna shyqqanyn jazǵan bolatynbyz.
