Elbrýsta jartastan qulaǵan alpınıst aman qaldy
ASTANA. 14 aqpan. QazAqparat - Búgin tańerteń Elbrýstyń batys shyńyna shyǵý kezinde jartastan qulap ketken polshalyq alpınıst Pastýhov quzdarynyń aýmaǵynda shamamen 4,8 myń metr bıiktikten tiri tabyldy.
Alpınıst tiri jáne esinen tanǵan joq, ony tómende ornalasqan Terskol kentine alyp ketti, onda Apattar medıtsınasynyń brıgadasy kútýde, dep habarlady Reseıdiń QBR boıynsha TJM baspasóz qyzmetinen.
Qaıǵyly oqıǵa tańerteń saǵat 08:30 shamasynda oryn aldy. Elbrýs izdeý-qutqarý jasaǵyna oqıǵa týraly toptyń aǵa qatysýshysy habarlady. Artynsha segiz qutqarýshy týrısti izdeýge shuǵyl attanǵan.
