Elbrýs shyńynda 30 jyl buryn qaza tapqan áıeldiń múrdesi tabyldy
MÁSKEÝ. QazAqparat - Elbrýs shyńynda osydan 30 jyl buryn qaza tapqan áıeldiń múrdesi tabyldy, dep habarlaıdy RIA Novostı.
Aldyn ala derekterge qaraǵanda, alpınıst áıel 31 jyl buryn taýdyń basyna shyǵý kezinde mert bolǵan», -degen Qarashaı-Sherkes TJM málimdemesin keltiredi NTV telearnasy.
Máıitti tórt shaqyrymdaı bıiktikte, shyńǵa shyqqan týrıster tapqan. Qutqarýshylar qaza tapqan jannyń kim ekendigin anyqtady. Odan qujattary men 1987 jylǵy 10 sáýirdegi Máskeý- Mıneralnye vody áýe reısine bıleti tabylǵan.
«1951 jyly týǵan Lenıngrad oblysy Novaıa Ladoga qalasynyń turǵyny Elenay Bazykınanyń tólqujaty tabyldy»,- delingen TJM habarlamasynda.
Eske sala ketsek, 1987 jyly Elbrýstegi qar kóshkini saldarynan 7 adamnan quralǵan alpınıster toby úshti-kúıli joǵalǵan edi. Sol kezde qansha izdegenmen olardyń denesi tabý múmkin bolmady.
