El birinshiliginde Jambyl oblysynyń kókparshylary jeńimpaz atandy
QYZYLORDA. KAZINFORM - Qyzylorda qalasynda kókpardan eresekter arasyndaǵy Qazaqstan birinshiligi máresine jetti. Birinshilik barysynda Jambyl oblysynyń quramasy jeńimpaz atandy.
20-27 sáýir aralyǵynda ótken el birinshiligine 16 oblystan 200-ge jýyq kókparshy keldi.
Asa tartysty, qyzyqty ótken jarys nátıjesinde Jambyl oblysynyń quramasy jeńimpaz atandy. Ekinshi oryn Almaty oblysyna buıyrsa, úzdik úshtikti Túrkistan jáne Qostanaı oblysy túıindedi.
El birinshiliginde úzdik qorǵaýshy, shabýylshy, oıynshy, sáıgúlik anyqtaldy. Sondaı-aq, jeńiske degen jigeri úshin quramalar marapattaldy. Oǵan qosa úzdik tóreshige qurmet kórsetildi. Olardyń barlyǵyna aqshalaı syı-sııapat kórsetildi.
Respýblıkalyq Kókpar federatsııasy prezıdenti Baýyrjan Isabaev Qyzylorda oblysynyń Dene shynyqtyrý, sport jáne týrızm basqarmasynyń basshylyǵyna, uıymdastyrýshylarǵa alǵys bildirdi.
