El boıynsha sırenalar iske qosyldy: TJM oqý-jattyǵýdy aıaqtady
QR Tótenshe jaǵdaılar mınıstrliginen málim etkendeı, oqý-jattyǵýdy basqarý shtaby Qostanaı qalasynda (Qostanaı oblysy TJD Daǵdarys ortalyǵynyń zaly) ornalasqan. Maqsaty – azamattyq qorǵaýdyń memlekettik júıesiniń jáne halyqtyń qysta bolýy yqtımal tótenshe jaǵdaılardy joıýǵa daıyndyǵy men qabilettiligin arttyrý, azamattyq qorǵaý qyzmetteri men quralymdarynyń daıyndyǵyn tekserý.
Іs-sharalarǵa oblystyq memlekettik organdardyń jedel toptary, respýblıkalyq azamattyq qorǵaý qyzmetteri jáne oblystardyń, Astana, Almaty jáne Shymkent qalalarynyń tótenshe jaǵdaılardyń aldyn alý jáne joıý jónindegi komıssııalary, qurylymdyq jáne aýmaqtyq organdar, avarııalyq-qutqarý qyzmetteri jáne TJM quralymdary qatysty.
Oqý-jattyǵý sheńberinde:
- El óńirlerinde elektr sırenalary iske qosylyp, habarlaý júıesine tehnıkalyq tekserý júrgizildi.
- Tıisti azamattyq qorǵaý qyzmetteri qysqy kezeńge daıyndyq boıynsha aldyn alý sharalarynyń keshenin júrgizdi. Tirshilikti qamtamasyz etý obektilerinde avarııalyq jaǵdaılar týyndaǵan jaǵdaıda 600-den astam derbes elektrmen jabdyqtaý kózderi daıyndaldy. Qysqy kezeńge 14, 428 myń tonna kómir, 4,4 myń tonna dızel otyny, 1,3 myń tonna benzın, 125 myń tekshe metr ınertti materıal, 22,2 myń tonna tehnıkalyq tuz daıyndaý kózdelgen.
- Jol qyzmetteri joldardyń neǵurlym qarly ýchaskelerinde 140 myń metrden astam qardan qorǵaıtyn qalqandar ornatyp, 600 jylytý pýnktin jabdyqtady. 57 myń km kóleminde jol jıeginen shóp shabý, 512 km eńister men rezervterde aǵashtar men butalardy kesý jumystary jalǵasýda. 4,3 myń dana kóleminde «Taıǵaq jol», «Jyldamdyqty shekteý» ýaqytsha jol belgileri ornatylyp jatyr.
- Jalpy sany 37 myń adamnan jáne qutqarý, qar kúreý, ınjenerlik jáne basqa da joǵary ótimdi 13,5 myńǵa jýyq tehnıkadan turatyn azamattyq qorǵaýdyń memlekettik júıesiniń kúshteri men quraldarynyń erkin respýblıkalyq toptamasy quryldy.
Foto: gov.kz
